9月8日朝早睇完《地獄第19層》之後，返左大埔睇Twins的新碟發佈會。
其實Twins已經唔係第一次黎大埔架啦，不過之前個次就冇睇相，
今次就影多d相做紀念啦！！
唔好講咁多，等左好耐，主角終於出現喇~~
今日Twins既髮型同Yes!!既封面一樣，紮起髻的就係阿嬌鍾欣桐，
長頭髮的就係阿Sa蔡卓妍。佢地今日一齊都特登著左藍色衫喎？！

話明係新碟發佈會，當然要介紹下新碟啦，而引導著成個發佈會的就係主持，
呢個四眼肌肉男就係主持，不過佢講過佢個名好多次我都係唔記得…


Twins今次的大碟係有分「阿嬌版」同「阿Sa版」，
兩個版本係有唔同o既封面。




除左唔同封面之外，每一版都會收錄左一、兩首阿嬌或者阿Sa既獨唱歌曲。


主持人同Twins都不厭其煩咁話：「係Fans就應該兩隻都買晒啦~~」

介紹完新碟，當然要玩下遊戲先。
大會o係唔知邊度請黎個Bar Tener上台，教Twins溝「Twins Party特飲」。


盒裝的紅酒，有個「水龍頭」可以倒酒出黎，但係要跪低斟。

特飲終於完成，Twins兩人乾乾杯先！

佢地飲完就講下杯野既味道。


做Bar Tener點知溝酒咁簡單，當然要搖酒先似樣啦！



阿Sa話佢自細就覺得搖酒好型，好想自己都有份搖喎。



經過一輪雞手鴨腳的搖酒後，請左一班Fans出黎玩黎緊既遊戲。


遊戲係要Fans利用檯面上既材料，溝一杯飲品畀阿嬌同阿Sa飲。


Fans個個企晒係度，好似研究係係咪真係整杯野阿嬌阿Sa飲咁…


Fans們終於出手…



主持人同Twins傾謁分散注意力…




可惜阿嬌阿Sa都係擔心緊Fans整o既野飲。

先係阿嬌睇得入神…

然後阿Sa都係。

開始企遠d…

阿嬌咬下阿Sa耳仔…

越企越遠=.=

好彩最後阿嬌阿Sa飲完杯野都冇事，頒返d禮物畀Fans就搞掂。

呢個時候有d不妙…主持人又請Fans上台？！

請左幾個著得「花Li花碌」既Fans上黎，要佢地用檯上的飾物打扮到好似去Party咁。



Fans們開始郁手。



阿Sa阿嬌都幫手一齊整。

之後要Fans擺個正pose，戴白色眼鏡位Fans認真出位，
擺個S字型o既動作出黎，仲搞到阿Sa阿嬌都要擺埋一份先得。

最衰我企係側面，如果唔係到正面既話就更加正！

正如阿Sa話齋，位白框眼鏡Fans咁「放」，呢個遊戲o既冠軍梗係非佢莫屬啦！