2007-9-27 12:24
i553041
我唔受得寒涼o既野,我女朋友個呀媽話我燥熱,試過滾過涼瓜魚肉湯比我飲,飲過兩次,每個月飲一次,每次飲一碗,飲完之後,唔使半個鐘暈到死死下,嘔到七彩,試左兩次之後,我女朋友呀媽再滾呢o的湯佢都唔敢叫我飲了!(佢自己飲又無事!)
我試過,飲左兩杯廿四味,分別o係兩間涼茶舖買的,第一杯與第二杯相隔2個鐘,(我成日食辣,女朋友話我熱氣,叫我飲多o的涼茶,我聽佢講飲囉,我又唔知後果,佢亦都唔知啦!)唔使15分鐘已經狂嘔,勁暈,後黎諗住搭地鐵番屋企休息下,點知坐左兩個站已經捱唔住,就o係旺角暈左,昏迷完全不醒人事,即刻call白車送左我入急症室R房搶救,我有知覺果時已經比成班醫生急救緊,成個鐘我先醒得番,嚇死我女朋友...(我自己都驚!)
呢個故事令我知道,廿四味唔可以一次飲兩杯的,我以後都唔敢飲廿四味了!(廿四味好似係清熱,都係寒涼的,唔知係唔係呢?)
2007-9-28 15:32
小白貓
嘩!然兄,你竟然間飲廿四味暈左!好在你冇事咋.
我成日聽到人講話飲涼嘢會頭暈,但估都估唔到會咁誇張,可以成個人暈底.
涼瓜魚肉湯我就未飲過,涼瓜炒排骨我就好鍾意食,廿四味我間唔中都會飲,去超級市場時會買一盒盒五花荼,清涼荼,菊花荼,唔使煲好方便,一日都飲二三包,好過飲汽水,飲咁多我都冇見頭暈,可能受得,但冬天我都怕凍,手腳都會冰凍的,有時都會食下d燉品.
你唔受得涼,就唔好再飲廿四味,飲下雪耳湯,雪梨湯或飲下蜜糖開水黎飲好d!
你未來外母&你女朋友對你好好,你真係:51::51::51:
2007-9-28 15:43
i553041
[quote]Originally posted by [i]小白貓[/i] at 2007-9-28 03:32 PM:
嘩!然兄,你竟然間飲廿四味暈左!好在你冇事咋.
我成日聽到人講話飲涼嘢會頭暈,但估都估唔到會咁誇張,可以成個人暈底.
涼瓜魚肉湯我就未飲過,涼瓜炒排骨我就好鍾意食,廿四味我間唔中都會飲,去超級市場時會買一盒盒 ... [/quote]
我可以受到五花茶,銀菊露,夏枯草,雞骨草之類o既涼茶...
係果次2個鐘之內飲兩杯唔同舖頭買的廿四味就中招...
睇小說好多時都見到o的主角「眼前一黑就昏了過去」,我終於體會到了...
我懷疑係果兩間涼茶舖用o既藥材成份都唔同,所以我先會賴野!
千萬唔好短時間內飲兩杯廿四味啊,唔係真係猝死左都唔知咩事!果次我住左成個禮拜醫院呀!
2007-9-28 15:53
小白貓
[quote]Originally posted by [i]i553041[/i] at 2007-9-28 03:43 PM:
我可以受到五花茶,銀菊露,夏枯草,雞骨草之類o既涼茶...
係果次2個鐘之內飲兩杯唔同舖頭買的廿四味就中招...
睇小說好多時都見到o的主角「眼前一黑就昏了過去」,我終於體會到了...
我懷疑係果兩間涼茶舖用 ... [/quote]
第日飲廿四味都係飲一杯好啦!
要留院咁耐,真係唔講得小.:20: