懷石料理由淡到濃　蛋汁混和牛 Juicy

[img]http://hk.apple.nextmedia.com//images/apple-photos/apple_sub/20110722/large/22fb1p.jpg[/img]
[size=8pt]■用茶壺裝海鮮湯，有助保溫，夠細心。[/size]

懷石料理果然夠 Grand，菜式賣相精緻，食材又時令，連食法次序都勁講究，仲要處身 101樓高，食一啖，居高臨下望一望無敵大海景，非常之有大地在我腳下嘅霸氣，抵收你$1,480一位。今次帶埋靚女 Phoebe，同你上演日本風情畫，呢次真係秀色可餐。

[size=20pt][b]懷石料理的起源[/size][/b]
說法不一，以「僧人抱石」這說法最廣為人知，話說佛教禪宗由中國傳至日本，僧人奉行「過午不食」的戒律，出家人為免於靜坐時饑腸轆轆發出聲音，於是把石頭溫熱，抱入懷中取暖，好讓自己有溫飽感覺；又有謂古時人窮，要為將軍準備膳食，偏偏只得素菜卻肉食不多，只好把食材雕龍雕鳳，花盡心思以最美好一面呈現出來。發展至現在，懷石料理演變成一門吃的藝術，講求一，精緻、講究、華麗；二，選用時令食材；三，精心挑選高級器皿配搭。


[size=20pt][b]將軍級料理最精緻[/size][/b]
「田舍家」在 101層樓，有無敵海景送飯，勁有君臨天下 Feel，靚景先加分。懷石料理點解咁精緻？因為係古時日本將軍嘅御用餐單，衰在當年物質無𠵱家咁豐盛，無話餐餐大魚大肉，多數以素菜為主，但畀得將軍食用又點可以失威？惟有將最簡單食材雕龍雕鳳，碟碟做到鬼火咁靚，捋順番將軍條氣，貴就貴在人工，極考師傅手勢。時至今日，懷石料理已演變成高級料理，主要用時令矜貴食材，做法複雜，賣相靚到加零一，唔收貴你都睇你唔起。
我為食，見枱面一碟二碟，隨手一碟就想擺入口， Phoebe媽媽係日本人，算係半個日本妹，唔怪得佢識踩停我：「食懷石料理要跟先後次序，由淡到濃慢慢食，先唔會掩蓋食物原味。」師傅點頭：「先食前菜、湯、刺身，之後食煮物，味濃食物之間會上沙律， Refresh吓味蕾，最後以清新生果作結。呢個係懷石料理基本要求，如果菜式次序出錯，一定俾人笑到面黃。」普通料理只得一款前菜，懷石料理有三款，一，白蘆笋豆腐，豆腐加入白蘆笋，上加矜貴黑魚子，味道更清新；二，龍珠果皮盛載番薯、南瓜茸同四季豆，南瓜茸製成圓珠狀，用松針插住，賣相靚絕；三，木魚水浸菠菜，味道清新開胃。


[size=15pt][b]牛肉懷石套餐$1,480 [/size][/b]
[img]http://hk.apple.nextmedia.com/images/apple-photos/apple_sub/20110722/large/22fb2p.jpg[/img]
[size=8pt]前菜拼盤[/size]

[img]http://hk.apple.nextmedia.com/images/apple-photos/apple_sub/20110722/large/22fb3p.jpg[/img]
[size=8pt]海鮮土瓶湯[/size]

[img]http://hk.apple.nextmedia.com/images/apple-photos/apple_sub/20110722/large/22fb4p.jpg[/img]
[size=8pt]太刀魚（前）及金鎗魚腩刺身[/size]

[img]http://hk.apple.nextmedia.com/images/apple-photos/apple_sub/20110722/large/22fb5p.jpg[/img]
[size=8pt]煮金目鯛 [/size]

[img]http://hk.apple.nextmedia.com/images/apple-photos/apple_sub/20110722/large/22fb7p.jpg[/img]
[size=8pt]凱撒沙律[/size]

[img]http://hk.apple.nextmedia.com/images/apple-photos/apple_sub/20110722/large/22fb23p.jpg[/img]
[size=8pt]照燒牛肉煮[/size]

[img]http://hk.apple.nextmedia.com/images/apple-photos/apple_sub/20110722/large/22fb8p.jpg[/img]
[size=8pt]時令水果[/size]

[size=20pt][b]壺上海鮮湯有助保溫[/size][/b]
[img]http://hk.apple.nextmedia.com/images/apple-photos/apple_sub/20110722/large/22fb17p.jpg[/img]
[size=8pt]田舍家創作壽司$200[/size]

食完前菜食吸物，吸物即係湯，海鮮土瓶湯用茶壺盛載，如果壺頂唔係有個蝦頭突咗出嚟，我仲以為師傅同我玩茶道， Phoebe：「用壺裝住啲湯，有助保溫無咁易攤凍，飲之前加幾滴檸檬汁，有助提鮮。」全中！配料有香味更重嘅白舞茸、大蝦、蜆、魚肉同木魚水，放入蒸爐蒸十五分鐘即成，入口帶濃郁菌香，入口超強海鮮味。飲完湯暖肚，係時候食刺身，拖羅夠肥美鮮甜，日本太刀魚用火燒過，完全逼出魚油香，辟除魚皮腥味，又係一流啫。再來喫煮物，煮金目鯛碗上，咪睇小佢，以為佢係紅衫魚，金目鯛係高級魚材，屬深海魚，優點係油份高，魚味比一般鯛魚重，營養價值都比較高，師傅用牛蒡、大葱煮金目鯛，魚肉滑到自動跣入喉嚨，果然一分錢一分貨。
魚鮮味仲停留口腔𠺘𠺘吓之際，師傅奉上一客凱撒沙律：「稍後要食照燒牛肉，頭先嘅金目鯛比較濃味，所以要食沙律清一清味蕾，之後菜式先食得出原味。」咪以為凱撒沙律係普通貨仔喎，除沙律菜同煙肉外，仲加入白飯魚同山椒，味道比一般沙律更有層次。照燒牛肉煮都好有心思，煎香澳洲 M8和牛肉眼再加秘製醬汁，肉味重夠軟腍，面頭放一隻炸到半生熟嘅天婦羅蛋，篤穿佢，蛋汁流出，牛肉混住香滑蛋汁，真係 Juicy到爆！最後上時令水果，以日本蜜瓜同芒果作結，呢一餐，好滿足。

[img]http://hk.apple.nextmedia.com/images/apple-photos/apple_sub/20110722/large/22fb16p.jpg[/img]
[size=8pt]刺身拼盤$520[/size]

[img]http://hk.apple.nextmedia.com/images/apple-photos/apple_sub/20110722/large/22fb13p.jpg[/img]
[size=8pt]鵝肝配時令水果伴梅酒汁$280[/size]

[img]http://hk.apple.nextmedia.com/images/apple-photos/apple_sub/20110722/large/22fb14p.jpg[/img]
[size=8pt]鍋燒日本喜知次魚伴大蜆$480[/size]

[img]http://hk.apple.nextmedia.com/images/apple-photos/apple_sub/20110722/large/22fb15p.jpg[/img]
[size=8pt]■喜之次魚原貌[/size]

[img]http://hk.apple.nextmedia.com/images/apple-photos/apple_sub/20110722/large/22fb10p.jpg[/img]
[size=8pt]飛驒牛肉$840/100克[/size]

[img]http://hk.apple.nextmedia.com/images/apple-photos/apple_sub/20110722/large/22fb11p.jpg[/img]
[size=8pt]■附證書，證明係一級靚牛。[/size]

[size=20pt][b]巨鮑一手揸唔晒[/size][/b]
未飽， Phoebe話食埋鐵板燒先夠喉，今次鋒師傅出馬：「推介飛驒牛肉。」有幾勁先？每 200g賣$1,680！「日本人有句古老說話『飛驒之山，美濃於水』，飛驒牛來自岐阜縣，當地空氣同水質好，出產嘅牛肉油花分佈靚，脂肪呈粉紅色。」一試，外脆內 Juicy，問 Phoebe味道如何，十問九唔應，因為好味都出唔到聲。
Phoebe忽然大叫：「好大隻呀。」循佢視線一望，我都 O嘴，只見一隻活生生鮑魚，大到一隻手揸唔晒，每隻盛惠$1,800，鋒師傅：「呢隻係歐洲黑邊鮑，最適合做鐵板燒。」之後手起刀落，切鮑魚好有台型，睇到 Phoebe嘩嘩聲，味道？唔使咁多形容詞，一句講晒─煙韌兼鮑味超濃！再試鵝肝配時令水果伴梅酒汁，法國鵝肝表面煎得香脆，入面呈半流質狀態，入口真正即溶，梅酒汁清新香甜，有效中和油膩感。鍋燒日本喜知次魚伴大蜆都非常吸引，喜之次魚居於深海，魚油豐富，大蜆厚肉夠鮮味，兩者簡直是絕配。刺身拼盤，當然係不鮮不食，有切成扇貝狀嘅帶子、清甜平目魚、貴價金目鯛同油香十足嘅拖羅，即叫即劏保證新鮮。田舍家創作壽司，平目魚上放海膽、三文魚子、金鎗魚腩茸同黑魚子，一啖食咗兩嚿水落肚，正到無嘢好講，[節錄...]

[img]http://hk.apple.nextmedia.com/images/apple-photos/apple_sub/20110722/large/22fb19p.jpg[/img]

[img]http://hk.apple.nextmedia.com/images/apple-photos/apple_sub/20110722/large/22fb24p.jpg[/img]

[img]http://hk.apple.nextmedia.com/images/apple-photos/apple_sub/20110722/large/22fb20p.jpg[/img]

[img]http://hk.apple.nextmedia.com/images/apple-photos/apple_sub/20110722/large/22fb12p.jpg[/img]
[size=8pt]澳洲鮑魚$1,800[/size]

[img]http://hk.apple.nextmedia.com/images/apple-photos/apple_sub/20110722/large/22fb25p.jpg[/img]
[size=8pt]■無敵海景送飯，呢餐食得零舍開胃。[/size]

田舍家（ 2972 2666）
九龍柯士甸道西 1號環球貿易廣場 101樓 A

來源:蘋果日報網站